کورونا وائرس جیسی مہلک بیماری کو شکست دینے کی امید میں ملک جس پلازما تھراپی کی طرف دیکھ رہا تھا، اس کا مثبت اثر اب نظر آنے لگا ہے۔ کورونا سے متاثر مریض پلازما تھیراپی سے صحت یاب ہونے کے بعد آج اپنے گھر واپس چلا گیا۔
دہلی کے ساکیت میں واقع میکس ہسپتال میں کورونا سے متاثر ایک مریض پر پلازما تھیراپی کا استعمال کیا گیا تھا۔ جس مریض کو پلازما تھیراپی دی گئی اس کی حالت بہت نازک تھی۔ اس وقت مریض وینٹیلیٹر پر تھا، جب 5 دن پہلے اسے پلازما تھیراپی دی گئی تھی۔ اس کے بعد سے اس میں کافی بہتری دکھائی دی۔ کل وہ مکمل طور پر صحت یاب ہو گیا جس کے بعد آج اسے میکس ہسپتال نے چھٹی دے دی۔
غور طلب ہے کہ دہلی کے وزیر اعلی اروند کیجریوال نے اپنی پریس کانفرنس میں اس کا تذکرہ کیا تھا کہ پلازما تھیراپی کے اچھے نتائج برآمد ہو رہے ہیں۔ انہوں نے کہا تھا کہ مریض کی حالت بہت خراب تھی، اسے پلازما تھراپی دی گئی تھی اور وہ صحت یاب ہو کر اپنے گھر چلے جائیں گے۔
پلازما تھراپی 6 مریضوں کو دی گئی تھیں اور ابھی ان سب کا علاج چل رہا ہے لیکن وزیر اعلی کی امید پلازما تھراپی کے ذریعے علاج دوسرے مریض کے کیس میں سچ ثابت ہو گئیں۔ بتا دیں کہ کل ہی دہلی کے وزیر صحت ستیندر جین نے بتایا تھا کہ دہلی میں اب تک 6 مریضوں کو پلازما تھراپی دی جا چکی ہیں۔ ان میں سے کل 2 مریضوں کو پلازما تھراپی دی گئیں تھیں۔
