گوتم بدھ نگر میں کانگریس کافی مستعدی سے کورونا کے وبائی دور میں عوام کے ساتھ کھڑی ہے اور کھوئی ہوئی سیاسی زمین حاصل کرنے کی بھر پور کوشش میں لگی ہے۔
نوئیڈا مہا نگر کانگریس کمیٹی کے سنٹرل بلاک کے انچارج یتندر شرما اور سنٹرل بلاک کے صدر سبھاش شرما کی قیادت میں آج سیوا ستیہ گرہ کے تحت سیکٹر 31 نٹھاری پرائمری اسکول میں ضرورت مندوں کے درمیان کورونا میڈیسن کٹس تقسیم کیے گئے۔
کانگریس کا کورونا وبا کے دوران سیوا ستیہ گرہ کے تحت یہ عمل گزشتہ 5 روز سے جاری ہے۔ آج چھٹے دن میڈیسن کٹس نیٹھاری میں تقسیم کیے گئے۔
واضح رہے کہ کانگریس کی جنرل سیکریٹری اور اتر پردیش کی انچارج پرینکا گاندھی نے اترپردیش کے مختلف اضلاع میں تقسیم کے لئے 3 لاکھ کورونا میڈیسن کٹس بھجوایا ہے، جن میں سے تین ہزار میڈیسن کٹس نوئیڈا کے لئے مختص کی گئی ہیں۔
وہیں اس موقع پر سٹی صدر شہاب الدین، اے آئی سی سی ممبر دنیش وانا، راج کمار بھارتی، ضلع یوتھ کانگریس کے صدر پورشوتم ناگر، ترجمان پون شرما، پی سی سی فیرے سنگھ نگر، پی سی سی پرمود شرما، پی سی سی رام کمار تنور، پی سی سی اشوک شرما، کانگریس کے جنرل سکریٹری پیر سنگھ نگر، نائب صدر للت آوانا اور چودھری رضوان وغیرہ موجود تھے۔
