'بی جے پی کی کامیابی میں کانگریس کا ہاتھ'

عام انتخابات کے نتائج کافی حیران کن ہیں، کسی کو بھی اس بات کا یقین نہیں ہو رہا ہے کہ بی جے پی کس طرح اتنی نشستوں پر قبضہ کر سکتی ہے، اسی ضمن میں کانگریس پارٹی کی قیادت پر بھی سوال اٹھنے لگے ہیں۔

عام انتخابات کے نتائج کے بعد ایک طرف جہاں بی جے پی کے خیمے میں خوشی کی لہر ہو تو وہیں دوسری جانب کانگریس پارٹ کے کارکنان اپنی پارٹی کی قیادت اور حکمت عملی پر سوال اٹھا رہے ہیں۔

اس معاملے میں آل انڈیا شیعہ سنی فرنٹ کے نائب صدر ڈاکٹر نفیس قریشی نے ای ٹی وی بھارت سے گفتگو کے دوران کہا کہ بی جے پی جیت میں کانگریس کا بہت بڑا ہاتھ ہے کیوں کہ کانگریس متعدد ریاستوں میں علاقائی پارٹیوں سے اتحاد نہیں کیا جس کی وجہ سے وہاں پر بی جے پی کا امیدوار بآسانی کامیاب ہوگیا۔

انہوں نے کہا کہ کانگریس نے ہمیشہ صرف مسلمانوں کا فائدہ اٹھایا ہے اور لیکن مسلمان پھر بھی کانگریس کا ہی ساتھ دیتی ہے لیکن اس پارٹی نے اپنی انا کی خاطر علاقائی پارٹیوں سے اتحاد نہیں کیا اور شکست سے دوچار ہوگئی۔

ڈاکٹر نفیس قریشی نے راہل گاندھی سونیا گاندھی پر شدید نکتہ چینی کرتے ہوئے کہا کہ وہ آج بھی انا میں ہیں لیکن اب ان کا غرور یقینا ٹوٹے گا۔