گوئل نے جمعرات کو کارپوریشن کے کمشنر کو تحریر کئے گئے اپنے خط میں لکھا ہے کہ دہلی میں روزانہ کرونا انفیکشن کے معاملوں میں اضافہ ہورہا ہے۔
اس کا شکار عام لوگوں کے ساتھ ساتھ بیماری سے بچانے میں مصروف کارپوریشن کے ملازمین بھی ہورہے ہیں۔
گزشتہ دنوں کرونا انفیکشن کی وجہ سے مشرقی دہلی نگر نگم کی صحت سے متعلق دو خواتین اہلکاروں کی موت ہوگئی تھی۔
کئی ملازمیں قرنطینہ میں ہیں۔ شمالی اور جنوبی کارپوریشن علاقوں میں بھی متعدد ملازمین کرونا وائرس سے متاثر ہورہے ہیں اور قرنطینہ میں ہیں۔شمالی کارپوریشن کے جہانگیرپوری اورچاندنی محل علاقے میں کرونا کا زیادہ اثر ہے۔
مسٹر گوئل نے کمشنر سے درخواست کی ہے کہ کورونا انفیکشن سے بچانے کے لئے اور مختلف مقامات کو سینیٹائز کرنے اور کرونا متاثروں کا علاج کرنے میں مصروف شمالی کارپوریشن کے سبھی اہلکاروں (ڈی بی سی ورکرز، صفائی اہلکاروں، صحت سے متعلق ملازمین، پیرامیڈیکل اسٹاف، مختلف محکموں کے اہلکاروں کے مفادات میں وہ اپنی سطح پر خصوصی ہدایات جاری کریں تاکہ مستقبل میں کوئی ملازمین بیماری کا شکار نہ ہو اور بے خوف اپنی ڈیوٹی انجام دے سکیں۔
