محترمہ اندرا گاندھی کی جمعرات کو برسی پر یہاں منعقد ایک خصوصی تقریب میں کانگریس کی عبوری صدر سونیا گاندھی نے مسٹر بھٹ کو سے اعزاز سے نوازا۔ اس موقع پر سابق وزیر اعظم منموہن سنگھ اور پارٹی کے سینیئر رہنما موجود تھے۔
مسٹر بھٹ کا انتخاب 2017 اور ایوارڈ 2018 کے لیے ہوا ہے۔ انھیں ملکی یکجہتی اور سالمیت کو فروغ دینے کے لیے 31ویں ’اندراگاندھی ایوارڈ برائے قومی اتحاد ‘ سے نوازا گیا ہے۔ساتھ ہی انھیں ایک توصیفی سند اور دس لاکھ روپیے نقد دیے گئے۔
سابق وزیر اعظم اندراگاندھی کی برسی 31 اکتوبر کے موقع پر دیاجانے والا یہ ایوارڈ سوامی رنگناتھ نندا، محترمہ ارونا آصف علی، محترمہ ایس ایم سُبَّالکشمی، راجیو گاندھی(بعد از مرگ)، اے پی جے عبد الکلام، پروفیسر ستیش دھون، ڈاکٹر شنکر دیال شرما، مہاشویتی دیوی، موہن دھاریہ اور اے آر رحمٰن جیسی اہم شخصیات کو دیا جا چکا ہے۔
خیال رہے کہ کانگریس پارٹی نے 1985 میں اپنے سو سال مکمل ہونے کے موقع پر یہ ایوارڈ دینے کا سلسلہ شروع کیا تھا۔
