ڈاکٹر نشنک نے آج کووڈ کے دور میں 'یوم بین الاقوامی خواندہ' کے موقع پر منعقد ایک تقریب سے خطاب کرتے ہوئے یہ بات کہی۔ انہوں نے کہا کہ یہ یوم خواندہ کووڈ-19 کے دور میں خواندگی کو بڑھانے کے لئے منعقدکیا جارہا ہے اور اس میں نوجوانوں اور بالغوں پر خصوصی توجہ دی جائے گی۔
انہوں نے کہا کہ سن 2030 تک ملک صد فیصد خواندہ ہوجائے گا اور دیہی اور شہری علاقوں میں 57 لاکھ غیرخواندہ کو سرگرمی کے ساتھ خواندہ بنایا جائے گا۔ جن ضلعوں میں خواتیں کی خواندگی کی شرح 60 فیصد سے کم ہے وہاں زیادہ توجہ دی جائے گی اور منیرگا اسکل ڈیولپمنٹ پروگراموں، اطلاعاتی تکنالوجی کھیل وغیرہ کے پروگرام سے خواندگی مہم کو جوڑا جائے گا۔
انہوں نے بتایا کہ خواندہ ہندوستان سے خودکفیل ہندوستان بنانے کے سمت میں ریاستی حکومتوں، غیر سرکاری تنظیموں، کارپوریٹ تنظیموں اور شہریوں اور دانشوروں کو اپنا کردار ادا کرنا ہوگا۔
