کراول نگر اسمبلی حلقہ کے مغربی کراول نگر علاقے میں کل رات بی جے پی کارکنان کی دو نوجوانوں سے ہاتھا پائی ہوگئی۔اس دوران دو نوجوانوں کو شدید چوٹ آئی ہے۔ ہاتھا پائی کے دوران ایک نوجوان کی ناک تو دوسرے کا ہاتھ ٹوٹ گیا ہے۔
دونوں زخمی نوجوان عام آدمی پارٹی کے کارکن بتائے جارہے ہیں۔ دونوں زخمیوں کو ہسپتال میں داخل کیا گیا ہے۔
اطلاعات کے مطابق کاروال نگر میں کل رات بی جے پی کارکنان دیواروں اور کھمبوں پر پوسٹر لگارہے تھے ایک دوکان پر سامان لینے آئے شخص سے بی جے پی کارکنان نے یہ پوچھا کہ کھمبے پر پوسٹر لگانے سے کرنٹ تو نہیں آرہا ہے اس پر اس شخص نے مزاق میں بی جے پی کارکنان سے کہا کہ مودی کی مہربانی ہے کھمبے میں کرنٹ نہیں آرہا ہے۔
اسی پر مودی کا نام سنتے ہی کارکنان بھڑک گئے اور اس شخص کی جم کر پٹائی کردی جب دوسرا شخص اس نوجوان کو بچانے آیا تو بی جے پی کارکنان نے اس کی بھی جم کر پٹائی کردی۔
دونوں زخمیوں کو ہسپتال میں داخل کرایا گیا، جہاں ان کا علاج جاری ہے، پولیس معاملے کی جانچ کررہی ہے۔
