چوپڑہ نے آج ایک وفد کے ساتھ فلمستان میں جائے حادثہ کا دورہ کیا اور تیسری منزل کے اس کمرے میں بھی گئے جہاں آگ لگی تھی۔
اس کے بعد سبھاش چوپڑہ سابق رکن پارلیمان جے پر کاش اگروال، ہارون یوسف، مکیش شرما کے ساتھ ایل این جی پی ہسپتال میں زخمیوں سے ملاقات کی اور انہیں کانگریس کی طرف سے ہر ممکن مدد کی یقین دہانی کرائی۔
سبھاش چوپڑہ اور جے پی اگروال نے مقامی لوگوں سے ملاقات کرتے ہوئے کہا کہ عوام میں بی جے پی اور عام آدمی پارٹی کے خلاف شدید غم و غصہ ہے۔
انہوں نے کہا کہ زخمیوں اور ہلاک ہونے والوں کے لواحقین کو سرکار نے جو معاوضہ دینے کا اعلان کیا ہے اس سے کانگریس پارٹی مطمئن نہیں ہے۔
سبھاش چوپڑہ نے کہا کہ ہلاک ہونے والے افراد کے خاندان سے کسی کو نوکری دی جائے یا ان کے روزگار کا انتظام کیا جائے ۔
انہوں نے یہ بھی مطالبہ کیا کہ ننگے تاروں کو زیر زمین کیا جائے تاکہ مستقبل میں کوئی ایسا حادثہ رونما نہ ہو۔ چوپڑہ کے ساتھ سابق وزیر ہارون یوسف بھی موجود تھے۔
