'وزیراعلی کے امیدوار کا اعلان کیا جائے' کیجروال کا بی جے پی کو چیلنج

قومی دار الحکومت دہلی میں اسمبلی انتخابات کے لیے سیاسی سرگرمیاں عروج پر ہیں اور اسی کے ساتھ ایک دوسرے پر الزام تراشیوں کا سلسلہ بھی جاری ہے۔

دہلی کے وزیر اعلی اروند کیجروال نے بی جے پی پر سخت نکتہ چینی کرتے ہوئے کہا کہ بی جے پی نے دہلی کے لیے وزارت اعلی کے امیدوار کے نام کا اب تک کیوں اعلان نہیں کیا ہے۔

انہوں نے کہا کہ بی جے پی اپنے سی ایم چہرے کا اعلان کرے، میں اس سے بحث کے لیے تیار ہوں۔

ان کا مزید کہنا تھا کہ دہلی کی عوام جاننا چاہتی ہے کہ وہ کس کے لیے ووٹ کر رہے ہیں اگر ان کے پاس وزارت اعلی کا امیدوار نہیں ہے تو عوام کا ووٹ ضائع ہو جائے گا۔ خیال رہے کہ مرکزی وزیر داخلہ امت شاہ نے اس سے پہلے اعلان کیا تھا کہ بی جے پی دہلی اسمبلی انتخابات کے لیے وزارت اعلی کے امیدوار کا اعلان نہیں کرے گی۔