خواتین ہی نہیں پورا معاشرہ فائدے میں

سابق مرکزی وزیر عارف محمد خان نے کہا ہے کہ اب اس بل سے مسلم خواتین کے خوف و ہراس کا ازالہ ہوگا۔

قومی دارالحکومت دہلی میں راجیو گاندھی حکومت میں مرکزی وزیر رہے عارف محمد خان نے کہا کہ 'تین طلاق بل پاس ہونے سے محض مسلم خواتین کو ہی نہیں، بلکہ پورے سماج کو فائدہ ہوگا۔

تیئس اگست سنہ 1985 کو عارف محمد خان نے لوک سبھا میں ایک تاریخی بیان دیا تھا، جس میں انہوں نے کہا تھا کہ 'تین طلاق کے پیش نظر ایک قانون بنایا جانا ضروری ہے'۔

اس بیان کے 34 برس کے بعد یعنی 30 جولائی سنہ 2019 کو راجیہ سبھا نے اپنی منظوری دے کر تاریخ رقم کردی۔

واضح رہے کہ اس بل کی حمایت میں کل 99 ووٹ پڑے، جبکہ اس بل کے خلاف 84 ووٹ ڈالے گئے، حالانکہ 18 ارکین پارلیمان غیر حاضر رہے۔