کورونا ویکسین کو لے کر مودی حکومت حزب اختلاف کی جماعتوں کے نشانے پر ہے۔ پیر سے شروع ہوئے مانسون سیشن 2021 میں اپوزیشن جماعتوں کے مضبوط رویہ کے پیش نظر مرکز کی مودی حکومت سنجیدہ ہوگئی ہے۔ اسی سلسلے میں آج کل جماعتی اجلاس طلب کیا ہے۔
بتا دیں کہ شام کے 6 بجے پارلیمنٹ ہاؤس کے انیکسی بلڈنگ میں بلائے گئے اجلاس میں وزیراعظم نریندر مودی بھی شرکت کریں گے۔
موصولہ اطلاع کے مطابق مرکزی حکومت نے منگل کی شام 6 بجے ایک کُل جماعتی اجلاس طلب کیا ہے۔ اس سے قبل اتوار (18 جولائی) کو بھی حکومت نے ایک کُل جماعتی اجلاس طلب کیا تھا۔ جس کی صدارت وزیر اعظم نریندر مودی نے کی تھی۔
یہ بھی پڑھیں: 'فون ٹیپنگ سے متعلق رپورٹ ملک کےخلاف سازش'
اس ملاقات میں پی ایم مودی لوک سبھا اور راجیہ سبھا میں موجود تمام سیاسی جماعتوں کے ایوان قائدین کے ساتھ کووڈ ویکسینیشن پالیسی کے بارے میں ایک اہم میٹنگ کریں گے۔
ذرائع سے موصولہ اطلاعات کے مطابق اس اجلاس کے دوران کووڈ مینجمنٹ کے حوالے سے ایک پریزنٹیشن دی جائے گی۔ پی ایم مودی نے پیر کو کہا کہ کووڈ ویکسینیشن کو ملک میں تیز رفتارi سے آگے بڑھایا جارہا ہے اور اب تک 40 کروڑ سے زیادہ افراد کو کووڈ ۔19 ویکسین دیے جاچکے ہیں۔
