مسلم علاقوں میں تمام بازار بند

شہریت ترمیمی قانون کے خلاف مسلسل 45 روز سے دارالحکومت دہلی سمیت دیگر ریاستوں میں احتجاج کیا جا رہا ہے۔

شہریت ترمیمی قانون کے خلاف مسلسل 45 دنوں سے دہلی اور دیگر ریاستوں میں احتجاج کیا جا رہا ہے۔

مسلم علاقوں میں تمام بازار بند

اس احتجاج کی حمایت میں آج ملک بھر میں بند کا اعلان کیا گیا تھا جس پر مسلم اکثریتی علاقوں میں تو اس بند کا اثر دیکھنے کو مل رہا ہے۔ تاہم جہاں مسلم آبادی کا تناسب کافی کم ہے وہاں بازار اسی طرح سے کھلے ہیں جس طرح سے اکثر کھلا کرتے ہیں۔

لیکن جامع مسجد کا وہ بازار جو لذیذ پکوان کے لیے مشہور ہے اور عموماً کبھی بند نہیں کیا جاتا، وہ بھی مکمل طور پر بند کیا گیا ہے۔

قابل ذکر ہے کہ گذشتہ کئی روز سے شاہین باغ میں بیٹھی خواتین پر مسلسل الزامات لگائے جا رہے ہیں اور اسے بدنام کرنے کی کوشش کی جا رہی ہے۔ اسی کو دیکھتے ہوئے آج ملک بھر میں بھارت بند کا اعلان کیا گیا ہے۔