مختار انصاری کو یوپی میں جان کا خطرہ: افضال انصاری

سپریم کورٹ کے حکم پر ایم ایل اے مختار انصاری کو پنجاب سے اترپردیش کی باندہ جیل منتقل کیا جانا ہے۔ اس سلسلے میں مختار انصاری کے بڑے بھائی اور غازی پور سے رکن پارلیمان افضال انصاری نے ای ٹی وی بھارت سے خصوصی سے گفتگو کی۔

سپریم کورٹ کے حکم پر عمل کرتے ہوئے اب بی ایس پی رہنما اور ایم ایل اے مختار انصاری کو پنجاب سے اترپردیش کی باندہ جیل منتقل کیا جانا ہے لیکن مختار انصاری کے اہل خانہ نے اترپردیش میں ان کی جان کو خطرہ بتایا ہے۔

مختار کے بڑے بھائی و غازی پور سے رکن پارلیمان افضال انصاری کا کہنا ہے کہ یوپی میں مختار کی جان کو خطرہ ہے۔

انہوں نے ای ٹی وی بھارت سے خاص گفتگو کے دوروان کہا کہ مختار انصاری پر غلط بیان بازی ہو رہی ہے۔ اس لئے ان کا مطالبہ ہے کہ عدالت اس کا نوٹس لے۔