کلبھوشن کی پھانسی پر روک، فیصلہ کا خیرمقدم

بین الاقوامی عدالت نے آج پاکستان میں قید بھارتی شہری کلبھوشن جادھو کی پھانسی کی سزا پر روک لگاتے ہوئے پاکستان کو اس فیصلے پر نظر ثانی کرنے اور اس کا جائزہ لینے کا حکم دیا۔

عدالت کے فیصلے سے بھارت کو بڑی جیت حاصل ہوئی ہے حالانکہ عدالت نے پاکستان کی فوجی عدالت کے فیصلے کورد کرنے اور جادھو کی محفوظ ملک واپسی کی بھارت کے مطالبے کو مسترد کردیا۔

بین الاقوامی عدالت کے فیصلہ کا بھارت بھر میں خرمقدم کیا جا رہا ہے۔
وزیراعظم نریندر مودی نے ٹوئٹ کرتے ہوئے بین الاقوامی عدالت کے فیصلہ کا خیرمقدم کیا اور سچائی پر مبنی فیصلہ پر آئی سی جے کو مبارکباد پیش کی۔ انہوں نے کلبھوشن کو انصاف ملنے کی توقع کا اظہار کیا۔

کلبھوشن کی پھانسی پر روک، فیصلہ کا خیرمقدم

نریندر مودی نے کہا کہ ہماری حکومت ہمیشہ ہر ہندوستانی کی حفاظت اور ترقی کےلیے کام کریگی۔فیصلہ پر ٹویٹ کرتے ہوئے آل انڈیا مجلس اتحاد المسلمین کے صدر و حیدرآباد ایم پی اسدالدین اویسی نے کہا کہ اس مقدمہ میں بھارت کا طاقتور موقف ظاہر ہوتا ہے۔ انہوں نے جادھو کو قونصلر رسائی دینے کے فیصلہ کا خیرمقدم کیا۔

کلبھوشن کی پھانسی پر روک، فیصلہ کا خیرمقدم

کانگیریس کے سینئر رہنما احمد پٹیل نے فیصلہ کو بھارت کی جیت قرار دیا۔ انہوں نے حکومت اور وکلا کی ٹیم کو مبارکباد پیش کی۔

انہوں نے بین الاقوامی عدالت کے فیصلہ کو سراہا اور ہندوستان کے وکلا کا شکریہ ادا کیا۔

کانگریس کے سینئر رہنما پی چدمبرم نے کہا کہ فیصلہ حق بجانب اور حقوق انسانی پر مبنی ہے۔

کلبھوشن کی پھانسی پر روک، فیصلہ کا خیرمقدم

عام آدمی پارٹی کے سربراہ و دہلی کے وزیراعلیٰ اروند کیجریوال نے عالمی کورٹ کے فیصلہ کا خیرمقدم کرتے ہوئے اس امید کا اظہار کیا کہ بت جلد کلبھوشن اپنے گھر لوٹ آئیں گے۔

کلبھوشن کی پھانسی پر روک، فیصلہ کا خیرمقدم

انڈین نیشنل کانگریس نے بین الاقوامی عدالت کے فیصلہ کو بھارتی کی شاندار کامیابی سے تعبیر کیا ہے۔ ٹوئٹ میں کہاگیا کہ کانگریس کلبھوشن کی جلد ملک واپسی کےلیے دعا گو ہے۔

کلبھوشن کی پھانسی پر روک، فیصلہ کا خیرمقدم

وزیر داخلہ راجناتھ سنگھ نے کلبھوشن جادھو کو قونصلر رسائی دینے کے فیصلہ کو بھارتی کی بڑی کامیابی سے موسوم کیا۔ممبئی میں کلبھوشن کے دوستوں نے فیصلہ کے بعد خوشیاں منائی اور مٹھائی تقسیم کی۔ کلبھوشن کے گھر میں جشن کا ماحول دیکھا گیا۔

کلبھوشن کی پھانسی پر روک، فیصلہ کا خیرمقدم

سشما سوراج نے بین الاقوامی عدالت کے فیصلہ کا دل کی گہرائیوں سے خیرمقدم کرتے ہوئے فیصلہ کو بھارت کی فقید المثال جیت کہا ہے۔

کلبھوشن کی پھانسی پر روک، فیصلہ کا خیرمقدم

وزارت خارجہ کی جانب سے رویش کمار نے ٹوئٹ کرتے ہوئے کہا کہ ہم بین الاقوامی عدالت کی جانب سے بھارت کے حق میں فیصلہ سنانے کا خیرمقدم کرتے ہیں۔

کلبھوشن کی پھانسی پر روک، فیصلہ کا خیرمقدم