دہلی اسمبلی انتخابات کے نتائج کے درمیان مہرولی کے رکن اسمبلی نریش یادو کے قافلے پر فائرنگ کا معاملہ سامنے آیا، جس میں ایک شخص ہلاک بتائے جا رہے ہیں۔
وہیں اس معاملے میں عام آدمی پارٹی کا دعویٰ ہے کہ اس حملے میں ایک شخص کی موت ہوگئی ہے۔
معلومات کے مطابق، ہلاک ہونے والے کارکن کا نام اشوک مان بتایا جارہا ہے۔ یہ معلومات عام آدمی پارٹی کے رہنما سنجے سنگھ کے آفیشل ٹویٹر ہینڈل سے دی گئی ہے۔
بتایا جارہا ہے کہ نریش یادو اپنے حامیوں سمیت مندر سے واپس آرہے تھے کہ تب ہی ان کے قافلے پر حملہ کیا۔
واضح رہے کہ اس حملے میں آپ کا ایک کارکن ہلاک، جبکہ ایک زخمی بتایا جارہے ہیں۔ جس کے بعد سنجے سنگھ نے ٹویٹ کرتے ہوئے دہلی کے قانونی نظام پر سوال اٹھائے۔
