بغیر ویزا پاسپورٹ کے دہلی میں رہنے والا نائیجیریائی شہری گرفتار

دہلی پولیس نے بغیر پاسپورٹ اور ویزا کے دہلی میں رہنے والے ایک نائیجیریائی شہری کو گرفتار کیا ہے۔ ملزم نے بتایا کہ وہ بی بلاک موہن گارڈن میں کرائے کے مکان میں رہتا ہے۔

دہلی پولیس نے دارالحکومت میں ایک غیر ملکی شہری کو ویزا اور پاسپورٹ کے بغیر رہنے پر گرفتار کیا ہے۔

ضلع دوارکا کے ڈپٹی کمشنر پولیس سنتوش کمار مینا نے منگل کو بتایا کہ موہن گارڈن تھانے کی پولیس ٹیم نے ملزم کے سی بوسانا (37) کو سوم بازار سے گرفتار کیا۔ دوران تفتیش ملزم نے بتایا کہ وہ نائیجیریا کا شہری ہے۔ کافی وقت دینے کے باوجود جب اس نے ویزا اور پاسپورٹ یا کوئی اور درست دستاویز نہیں دکھایا تو اسے گرفتار کرلیا گیا۔ اس نے بتایا کہ وہ بی بلاک موہن گارڈن میں کرائے کے مکان میں رہتا ہے۔

ڈپٹی کمشنر آف پولیس نے بتایا کہ ملزم کو گرفتار کر کے عدالت میں پیش کیا گیا جہاں اسے عدالتی تحویل میں بھیج دیا گیا ہے۔

یو این آئی