دیہی علاقے میں رہنے والے سیکڑوں افراد میڈھکی ندی کو عبور کر رہے ہیں۔
یہ نہایت خطرناک ہوسکتا ہے، کیوں کہ گاؤں والے اپنی زندگی کو جوکھم میں ڈال کر ندی عبور کر رہے ہیں۔
انتظامیہ کی جانب سے یہاں سکیورٹی کے کوئی انتظامات نہیں کیے گئے ہیں۔
میڈھکی ندی کی دوسری طرف 40 گاؤں آباد ہیں ۔
جہاں کے لوگ بارش اور سیلاب کے موسم میں ہر سال اسی طرح اپنی زندگی کا خطرہ مول لیتے ہیں۔
اس ندی پر پُل بنانے کی بات کئی دفعہ رکھی گئی تاہم ابھی تک اس کا کوئی خاطر خواہ نتیجہ نہیں نکلا ہے۔
گاؤں والوں کو اپنی ضرورت کے پیش نظر ندی کو عبور کرنا پڑتا ہے اور تمام ضروری سامان یا کام کے لئے دوسرے کنارے پر جانا ہوتا ہے۔
اس کی وجہ یہ ہے کہ بارش اور سیلاب کے دنوں میں اس ندی کی آبی سطح بہت بڑھ جاتی ہے۔
ای ٹی وی بھارت کو موصول ہونے والی تصویر میں ، بہت سے دیہاتی دیہاتی ایک ہی وقت میں ندی کو عبور کرتے ہوئے نظر آ رہے ہیں۔
یہ بھی پڑھیے:'کورونا وبا سے قبل معاشی بدانتظامی کیوں اور کیسے ہوئی؟'
اب سوال یہ پیدا ہوتا ہے کہ اگر کوئی شخص ندی کی تیز رفتار میں ڈوب جائے یا کوئی بڑا حادثہ ہو جائے تو اس کا ذمہ دار کون ہوگا۔
اسی مقام پر دو دن پہلے تین افراد ندی کی تیز دھار میں بہنے لگے تھے، انہیں تیرنا آتا تھا اس تیر کر واپس کنارے پر پہنچ گئے۔
تاہم جو تصویر سامنے آرہی ہے وہ پہلے سے کہیں زیادہ بڑے حادثے کا سبب بن سکتی ہے۔
