چھتیس گڑھ میں کورونا مریضوں کی تعداد 102 ہوئی

منگل کو چھتیس گڑھ میں کورونا وائرس سے متاثرہ 6 نئے مریض ملے ہیں۔ اس میں سے 4 راجنندگاؤں اور ایک کوربہ اور ایک منگیلی کے رہائشی ہیں۔

ریاست چھتیس گڑھ میں کورونا مریضوں کی کل تعداد 102 ہوگئی ہے اور فعال کیس 42 ہیں۔ جبکہ 59 افراد ٹھیک ہوگئے ہیں۔

پیر کے روز ریاست میں کورونا کے 3 نئے معاملات رپورٹ ہوئے۔ رائے گڑھ ضلع کے لیلنگا علاقے میں دو کورونا مثبت مریض پائے گئے۔ سورج پور میں ایک مریض ملا۔

رائے گڑھ کے دونوں مزدور مہاراشٹر کے ناسک اور تھانے گئے تھے۔ وہیں ضلع سورج پور کا کورونا مثبت نوجوان دہلی سے واپس آیا تھا۔ نوجوان کو علاج کے لئے امبیکا پور بھیج دیا گیا ہے۔