ریاست چھتیس گڑھ کے گاؤں جش پور میں ایک بیٹے نے اپنے والد کی سرکاری نوکری حاصل کرنے کے لیے اپنے والد کا قتل کر دیا۔ بیٹے نے اپنے والد کا قتل کرنے کے لیے بہنوئی اور دوست کو بھی شامل کیا اور پیسوں کا لالچ دیا۔
پولیس کو ملی اطلاع کے مطابق یہ واقعہ ضلع کے ثناء تھانہ علاقہ کا ہے۔
پولیس نے بتایا کہ آنند رام لوہار پولیس اسٹیشن آیا تھا اور ایک رپورٹ درج کرائی تھی کہ ان کے والد کو کسی نامعلوم شخص نے قتل کر دیا ہے۔ گاؤں کھڈکونہ کے سگڑی کونہ جنگل کے قریب قتل کر دیا گیا ہے۔
بیٹے کی رپورٹ کی بنیاد پر پولیس نے تفتیش کا آغاز کیا تو پتہ چلا کہ مہاویر رام اپنے ذاتی کام سے گاؤں کھڈکونہ گیا تھا۔ واپسی کے دوران اس کا کسی نے قتل کر دیا۔ اس معاملے میں پولیس نے تفتیش کرنا شروع کر دیا اور چھان بین کے دوران پتہ چلا کہ مہاویر رام سنا کے سرکاری ہسپتال میں چپراسی کا کام کرتا تھا اور 31 اکتوبر کو ریٹائر ہونے والا تھا۔
پولیس کی گہرائی سے چھان بین کے دوران پولیس اور مخبر کے ذریعہ پائے گئے شواہد کی بنیاد پر یہ معلوم ہوا کہ مقتول مہاویر رام لوہار کا بیٹا جیون رام لوہار جو اپنے والد کی سرکاری ملازمت حاصل کرنے کے لالچ میں بہنوئی برہور رام اور دوست مارشل کوجور کے ساتھ مل کر تینوں نے مہاویر رام لوہار کا کلہاڑی، چھری سے قتل کر دیا۔
تاہم پولیس نے دفعہ 302، 34 کے تحت تینوں ملزمین بیٹے جیون رام، بہنوئی برہور رام اور اس کے دوست مارشل کوجور کو گرفتار کرکے جیل بھیج دیا ہے۔
