جموں و کشمیر کے ضلع بڈگام میں پولیس نے منشیات کے خلاف مہم جاری رکھتے ہوئے دو منشیات فروشوں کو گرفتار کیا ہے۔
پولیس سٹیشن خان صاحب کی ایک پولیس پارٹی جو بغُرو پارنئوہ ناکہ پر تعینات تھی نے ناکے کے دوران 02 منشیات فروشوں کو گرفتار کیا ہے. جن کی تحویل سے نشیلی ادویات کے علاوہ 250 گرم چرس برآمدہ کیا گیا ہے۔
یہ بھی پڑھیں: منشیات کے خلاف مہم جاری
پولیس کے مطابق یہ منشیات فروش علاقے میں غیرقانونی طریقے سے منشیات سمگلنگ کا کاروبار کرنے کے علاوہ نوجوانوں کو سارے منشیات بیچتے تھے جن پر گورنمنٹ کی جانب سے پابندی عائد ہے۔ اس کی وجہ سے علاقے میں نوجوانوں میں منشیات کا استعمال بڑھ گیا ہے.
گرفتار شدہ افراد کی شناخت عبدالرشید بھٹ ولد عبدالسلام بھٹ ساکنہ پارنئوہ اور مداثر احمد میر ولد غلام حسن میر ساکنہ بغرو کے بطور پر ہوئی ہے۔ اس ضمن میں پولیس سٹیشن خان صاحب میں ایک ایف آئی آر زیرِ نمبر 145/2020 جو کہ این ڈی پی ایس ایکٹ کے تحت درج کیا گیا ہے۔ کیس درج کر کے تحقیقات شروع کر دی گئی ہے۔
