ضلع بڈگام میں انتظامیہ نے فوڈ سیفٹی اینڈ اسٹینڈرڈس ایکٹ کی خلاف ورزی کرنے والے تاجروں کے خلاف کارروائی شروع کی ہے۔
انتظامیہ نے ایف اینڈ ایس کی خلاف ورزی کرنے والے تاجروں پر کارروائی کی اور چونسٹھ ہزار کا جرمانہ عائد کیا۔
ایڈیشنل ڈپٹی کمشنر بڈگام نے کئی فوڈ آؤٹ لیٹس کے مالکان، دکانداروں، تاجروں اور کئی ہول سیل ڈیلرز پر یہ جرمانہ عائد کیا ہے۔
اے ڈی سی نے ایف اینڈ ایس سے متعلق ضلع کے مختلف بلاکس کے مقدمات کی کارروائی کے دوران گیارہ ایسے کاروباری افراد پر یہ جرمانہ عائد کیا جن کو ایڈجوڈیکیٹنگ افسر کے روبرو درج کیا گیا تھا۔
اے ڈی سی نے کاروباریوں کو آگاہ کیا کہ لوگوں کو بہتر معیار کی سہولت فراہم کرنے کے ساتھ ساتھ قانونی ضوابط کی پابندی کرنے کی بھی ہدایت دی ہے۔
