ضلع ترقیاتی کمشنر بڈگام شہباز احمد مرزا نے ایک بار پھر لوگوں سے اپیل کی ہے کہ کورونا وائرس ایس او پیز پر عمل کریں.
پریس کانفرنس سے خطاب کرتے ہوئے شہباز مرزا نے کہا کہ ضلع میں یکم اپریل سے اب تک نو ہزار تیس مثبت معاملے درج ہوئے ہیں۔ انہوں نے کہا کہ اس مدت کے دوران چار ہزار آٹھ سو اکہتر افراد صحت یاب بھی ہوئے ہیں اوراب ضلع میں چار ہزار دو سو پچانوے فعال معاملے ہیں۔
شہباز مرزا نے کہا کہ ضلع میں ریکووری ریٹ بڑھ کر 53.9% ہو گئی ہے۔ انہوں نے یہ بھی کہا کہ گزشتہ شب سے ضلع میں بارہ فیصد مثبت کیسوں کی کمی بھی دیکھنے کو ملی ہے۔
ڈی سی نے کہا کہ یہ لاک ڈاؤن کی وجہ سے کورونا کے کیسس میں کمی واقع ہوئی ہے۔ ڈی سی نے کہا کہ ضلع میں آنے والے دنوں میں مثبت معاملوں اضافہ دیکھنے کو مل سکتا ہے کیونکہ ہم نے ٹیسٹنگ کے عمل میں تیزی لائی ہے۔
انہون نے یہ بھی جانکاری دی کہ موجودہ وقت میں ہم روزانہ تین ہزار ٹیٹس کر رہے ہیں۔ اسکے علاوہ ضلع میں کئی ٹیمیں تشکیل دی گئی ہے۔
جو لوگوں کے گھر جا کر تمام انفیکشن کے بغیر مثبت افراد کا ٹیسٹ کریں گے اور ا نکا جائزہ لیں گے۔ ڈی سی نے کہا کہ ہم نے ناگام علاقے میں مزید پچاس بیڈ والا کووڈ سینٹر بھی تیار کیا ہے۔ جہاں پر آکسیجن کی بھی سہولت فراہم ہوگی۔
