بڈگام سڑک حادثے میں ایک راہگیر کی موت

موٹر سائیکل سوار تیز رفتار میں چل رہا تھا، ایسے میں اس نے بائک پر کنٹرول کھو دیا اور یہ حادثہ پیش آیا۔

وسطی کشمیر کے ضلع بڈگام کے شولی پورہ گاؤں میں اس وقت ایک سڑک کنارے چل رہے 55 سالہ شخص کی موت ہوئی جب تیز رفتار موٹر سائیکل سوار نے مذکورہ شخص کو زوردار ٹکر ماردی جس کے نتیجے میں وہ شدید زخمی ہو گیا۔

حادثے کے فوراً بعد مذکورہ زخمی شخص کو نزدیکی اسپتال لے جایا گیا جہاں اسے ڈاکٹروں نے سرینگر کے ایس ایم ایچ ایس اسپتال منتقل کیا۔ ہسپتال میں پہنچتے ہی اس کی موت ہو گئی۔

پولیس ذرائع کے مطابق ایک موٹر سائیکل زیرِ رجسٹریشن نمبر JK04C-2902 سے یہ حادثہ پیش آیا ہے، موٹر سائیکل سوار تیز رفتار چل رہا تھا، ایسے میں اس نے بائک پر کنٹرول کھو دیا اور یہ حادثہ پیش آیا۔

حادثے میں ہلاک ہونے والے راہگیر کی شناخت غلام محمد لون ولد جمعہ لون ساکنہ ہکنی پورہ بڈگام کے طور پر ہوئی ہے۔ وہیں پولیس نے اس ضمن میں کیس درج کر کے مزید تحقیقات شروع کردی ہے۔