وسطی کشمیر کے ضلع بڈگام میں ماونٹین بائکنگ ریس کا انعقاد کیا گیا۔ اس ریس میں سو کے قریب سائکلسٹ نے حصہ لیا۔
اوپن ایم ٹی بی چمپیئن شپ دو ہزار اکیس کو جےاینڈ کے سائیکلنگ ایسوسی ایشن اور یوتھ یونیٹی اسپورٹس کلب نے منعقد کیا تھا۔ یہ ریس بڈگام میں قائم مشہور دمودھر وڈر میں منعقد کی گئی۔ ریس میں وادی کے متعدد علاقوں سے آئے قومی سطح کے کھلاڑیوں کے ساتھ ساتھ مقامی کھلاڑیوں نے حصہ لیا۔
کھلاڑیوں نے چیمپئن شپ منعقد کرنے پر منتظمین کا شکریہ ادا کیا۔ انہوں نے کہا کہ کھیل کود صحت کے لیے ضروری ہے اور اسکے ساتھ ساتھ انہیں کمپیٹیشن لیول کا ماحول فراہم ہوجاتا یے۔ انہوں نے کہا کہ آنے والے وقت میں مزید ایسے چمپیئن شپس ہونے چاہیے تاکہ انکے کھیل کو فروغ ملے۔
کھلاڑیوں کا کہنا ہے کہ کشمیر میں ہنر اور قابلیت کی کوئی کمی نہیں ہے۔ اگر کمی کسی چیز کی ہے تو وہ ہے بہتر پلیٹ فارم اور ذرائع۔ انہوں نے انتظامیہ سے اپیل کی کہ اس کھیل کو فروغ دیا جائے۔
ریس میں قومی سطح کے کھلاڑی اکبر نے بہترین سائکلنگ کرتے ہوئے جیت حاصل کی۔ وہیں دوسری پوزیشن ایک نان پروفیشنل کھلاڑی نے اپنے نام کی۔
