مغربی بنگال کے شہر کولکاتہ میں لوگوں کے ایک گروہ نے ایک کشمیری تاجر پر حملہ کرکے لوٹ لیا۔
تفصیلات کے مطابق یہ واقعہ جمعہ کی شب کولکاتا کے سیالدہ ڈویژن کے پارک سرکس اسٹیشن میں پیش آیا۔
متاثر شکور احمد شاہ وسط کشمیر کے ضلع بڈگام کے سوئی باغ کے رہنے والے ہیں۔
رپورٹس کے مطابق لوگوں کے ایک گروہ نے شکور احمد پر چاقو سے حملہ کیا، جس کی وجہ سے ان کے سر اور پیٹ میں شدید چوٹیں آئی ہیں۔
تفصیلات کے مطابق حملہ آورں نے شکور احمد سے 1.95 لاکھ روپے بھی لوٹ لیے۔
متاثرہ کی شکایت پر کولکاتا پولیس نے بلی گنج ریلوے اسٹیشن علاقہ میں ایف آئی آر درج کی ہے، تاہم ابھی تک اس معاملے میں کسی کی گرفتاری نہیں ہوئی ہے۔
