ڈی سی بڈگام نے جمعرات کو ضلع کے رورل ڈیولپمنٹ آفس کا اچانک دورہ کیا۔ اس دوران انہوں نے بیشتر ملازمین کو غیر حاضر پایا جس کے بعد ڈی سی نے موقع پر ہی رورل ڈیولپمنٹ آفس پر تالا لگا دیا۔
لوگوں کی جانب سے ڈی سی کے اس اقدام کی سراہنا کی جا رہی ہے۔
جس کمپلیکس کو ڈی سی بڈگام شہباز احمد مرزا نے تالا بند کیا اس میں اے سی ڈی بڈگام اور ڈی پی او بڈگام کے دفاتر بھی موجود ہیں۔ ڈی سی نے جمعرات کو کمپلیکس کا اچانک دورہ کیا جس دوران اے سی ڈی بڈگام کے علاوہ ڈی پی او بڈگام بھی غیر حاضر تھے۔
مقامی لوگوں نے ڈی سی کے اقدام کی سراہنا کرتے ہوئے امید ظاہر کی کہ ’’اس سے دیگر ملازمین ہوش کے ناخن لیں گے اور وقت پر دفاتر پہنچ کر عوامی شکایات کا ازالہ کریں گے۔‘‘
مقامی باشندوں نے سرکاری ملازمین کو تنقید کا نشانہ بناتے ہوئے کہا کہ ’’موٹی رقومات لینے کے باوجود ملازمین دفاتر آنے میں سستی کا مظاہرہ کرتے ہیں، یا اکثر اوقات غیر حاضر رہتے ہیں۔‘‘
