بڈگام: وسطی کشمیر کے ضلع بڈگام میں چیئرمین، ضلع ترقیاتی کونسل (ڈی ڈی سی)، نذیر احمد خان، نے ضلع کے بلاک ایس کے پورہ میں منعقدہ ایک عوامی دربار کی صدارت کی۔ عوامی دربار کے دوران مختلف محکمہ جات کی جانب سے شروع کی گئے ترقیاتی کاموں کا جائزہ لیا گیا تاکہ پی آر آئی، بی ڈی سی اور ڈی ڈی سی گرانٹس کے تحت کئے جانے والے مختلف کاموں کی پیشرفت کا مفصل اور تفصیلی جائزہ لیا جا سکے۔ بلاک ڈیولپمنٹ آفیسر، ایس کے پورہ، نے مختلف کاموں بالخصوص ایس بی ایم گرامین، کمپوسٹ گڑھوں کی تعمیر اور امرت سروور کے بارے میں تفصیلی پریزنٹیشن دی۔ ایگزیکٹیو انجینئر جل شکتی ڈویژن بڈگام نے بلاک میں جاری جے جے ایم اسکیموں کے بارے میں عوام کو آگاہ کیا۔ چیئرمین ڈی ڈی سی نے تمام عہدیداروں پر زور دیا کہ وہ مطلوبہ اہداف کو حاصل کرنے کے لیے قریبی تال میل سے کام کریں۔
مزید پڑھیں: DDC Budgam Reviews RDD ڈی ڈی سی بڈگام نے محکمہ دیہی ترقی کے کام کاج کا جائزہ لیا
ڈی ڈی سی چیئرمین سبھی عہدیداروں سے اپنی کارکردگی کو بہتر بنانے کی تلقین کی اور زمینی سطح پر سبھی اسکیموں کے قابل عمل نفاذ کو یقینی بنائے جانے پر زور دیا۔ انہوں نے رواں مالی برس منظور کیے گئے سبھی ترقیاتی پروجیکٹس کو وقت پر مکمل کرنے اور فنڈس کے لیپس ہونے سے بچنے کے لیے تعمیراتی کاموں میں سرعت لائے جانے کی بھی تلقین کی۔ عوامی دربار میں مختلف محکمہ جات کے سینئر افسران، پی آر آئی ممبران سمیت مقامی باشندوں، سیول سوسائٹی ممبران نے شرکت کی۔ مقامی باشندوں نے عوامی دربار کے دوران افسران، ڈی ڈی سی چیئرمین کو ایس کے پورہ علاقے میں لوگوں کو درپیش مسائل سے آگاہ کیا۔ حکام نے عوامی شکایات کو ترجیحی بنیادوں پر حل کرنے کی یقین دہانی کرانی کی۔
