وسطی کشمیر کے ضلع بڈگام میں منگل کو جموں و کشمیر پولیس نے ایک کانسٹیبل سمیت 3 افراد کو ممنوعہ ادویات کے ساتھ گرفتار کر لیا۔ پولیس نے ان کی تحویل سے سپازموپروگزیون (Spasmoproxivan) کی 11 سٹرپز کے علاوہ چرس اور ہیروئین برآمد کرنے کا دعوی کیا ہے۔
ذرائع کے مطابق ان تینوں افراد کو اس وقت گرفتار کر لیا گیا جب وہ ایک نجی گاڑی میں سفر کر رہے تھے، اور تلاش کے دوران ان کی تحویل سے نشیلی ادویات برآمد ہوئیں۔
جموں و کشمیر پولیس نے ملزمین کی گاڑی کو بھی ضبط کر لیا ہے۔
گرفتار شدہ افراد کا نام کانسٹیبل ارشد احمد ڈار ہے جو کہ ڈی پی ایل بڈگام میں تعینات ہے۔ کانسٹیبل کے علاوہ دیگر دو ملزمین کی شناخت ریاض احمد ساکن بڈگام اور سجاد احمد بٹ ساکن نارکرہ بڈگام کے طور پر کی گئی ہے۔
پولیس سٹیشن بڈگام میں اس ضمن میں ایک ایف آئی آر درج کر کے مزید تفتیش شروع کر دی گئی ہے۔
