کورونا وائرس کے خطرے کے بعد سیاحوں کی رونق دیکھنے کو مل رہی ہے۔ سیاح بے خوف ہو کر سیاحتی مقامات و پرکشش وادیوں سے لطف اندوز ہو رہے ہیں۔ سیاحوں کو نہ تو کورونا وائرس کاخوف ستا رہا ہے اور نہ ہی وہ یہاں آنے سے کترا رہے ہیں۔
اسی کڑی میں وسطی کشمیر کے ضلع بڈگام میں لگے فن فیئر میلے میں بھاری تعداد میں لوگ شرکت کررہے ہیں اور لطف اٹھارہے ہیں، خصوصاً بچوں کے لیے یہ میلہ کسی جشن سے کم نہیں ہے۔ جھولوں پر ہنستے کھیلتے یہ بچے جنہیں کسی چیز کی پرواہ نہیں ہے اگر پرواہ ہے تو صرف اپنے جشن کی۔ ان سے اگر پوچھے وہ یہاں پر کیا کر رہے ہیں تو انکا جواب صاف ہے کہ وہ یہاں سیر تفریح کے لیے آئے ہیں۔
وہیں بچوں کے ساتھ ساتھ نوجوان بھی اس میلے میں شرکت کرکے لطف اندوز ہورہے ہیں، انکا کہنا تھا کہ سیر و تفریح کے لیے یہ بہترین ذریعہ ہے اور موجودہ وقت میں جب نوجوان نسل بری عادتوں میں ملوث ہورہی ہے تو یہ بہترین ذرائع ہے کہ وہ یہاں آکر خود کو انٹرٹینمنٹ کی جانب راغب کرے۔
وہیں اس میلے کے منتظمین کا کہنا ہے کہ وہ ایسے میلے ملک بھر میں لگاتے ہیں۔ انکا کہنا تھا کہ کورونا وائرس کی وجہ سے انہوں نے کافی وقت تک اس میلے کو بند رکھا تھا جسکی وجہ سے انکے کاروبار میں بر اثر پڑا تھا۔ انکا کہنا تھا کہ وہ یہاں اس میلے کو لگانے کے بعد کافی خوش ہیں کیونکہ یہاں پر لوگ آتے ہیں وہ مزہ لے رہے ہیں اور اسی وجہ سے انکا کاروبار بھی اچھا ہورہا ہے۔
- مزید پڑھیں: بڈگام: سیاحت کے فروغ کے لیے دودھ پتھری میں رنگارنگ پروگرام
- پہلگام: تازہ برف باری کی وجہ سے سیاحت سے جڑے افراد میں نئی امیدیں
لوگوں کا کہناہے کہ انتظامیہ کی جانب سے کچھ اس طرح کے اقدامات اٹھانے کی ضرورت ہے کیونکہ لوگ سیر و تفریح کے ذریعہ ایک تو ذہنی تناؤ اور بری عادتوں سے دور رہ سکتے ہیں اور ساتھ ہی وہ اپنا مستقبل سنوار سکتے ہیں۔
