جموں و کشمیر کے ضلع بڈگام کے خان صاحب علاقے میں واقع ڈانگر پورہ محلے کو فوج نے محاصرے میں لے لیا ہے اور تلاشی کارروائی شروع کردی ہے۔
سکیورٹی فورسز کو اطلاع ملی تھی کہ اس علاقے میں عسکریت پسند چھپے ہوئے ہیں جس کے بعد فورسز نے کارروائی عمل میں لائی ہے۔
فورسز کی جانب سے پورے علاقے کو محاصرے میں لے لیا گیا ہے، اور گھر گھر تلاشی لی جا رہی ہے۔ ساتھ ہی گاؤں کے تمام داخلی و خارجی راستوں کو سیل کر دیا گیا ہے اور راہگیروں سے بھی پوچھ گچھ جاری ہے۔
یہ بھی پڑھیے
'بابا صاحب امبیڈکر کے آئین کی دھجیاں اڑائی گئیں'
اس کاروائی میں آرمی کی 53 آر آر، ایس او جی کیمپ ہردہ پنزو، ڈپٹی سپرانڈینٹ ہیڈکواٹرس بڈگام، سی آر پی ایف اور بڈگام پولیس کی مشترکہ ٹیم کارروائی کر رہی ہے۔
خبر لکھے جانے تک سکیورٹی فورسز کی جانب سے کاروائی جاری ہے اور علاقے میں فوج کی ایک بڑی نفری کو تعینات کیا گیا ہے۔
