بڈگام: وسطی کشمیر کے ضلع بڈگام میں پبلک آؤٹ ریچ پروگرام کے ایک حصے کے طور پر بڈگام پولیس نے پولیس اسٹیشن بیروہ، پولیس اسٹیشن کھاگ، پولیس اسٹیشن خانصاحب، پولیس چوکی ہمہامہ اور پولیس چوکی سوئیبگ میں تھانہ دیوس کا انعقاد کیا۔ پولیس اسٹیشن بیروہ میں تقریب کی صدارت ایس ایچ او بیروہ انسپکٹر فردوس احمد نے کی۔ اس تقریب میں بیروہ کی تجارتی برادری کے علاوہ سرپنچوں، پنچوں، نمبرداروں، چوکیداروں، ٹرانسپورٹ یونین کے نمائندوں اور سماج کے دیگر معززین نے شرکت کی۔ تقریب کے دوران عوامی دلچسپی کے امور پر تبادلہ خیال کیا گیا جن میں منشیات کی بدعت سے سماج میں بڑھتی ہوئی برائیاں اور عوامی خدمات کی فراہمی جیسے مسائل پر نسبتاً زیادہ توجہ دی گئی۔ Budgam police organized thana diwas at different police stations
تقریب کے دوران پولیس افسران نے شرکاء کی تمام شکایات سنی اور انہیں نوٹ کرتے ہوئے ترجیح بنیادوں پر اٹھایا جائے گا۔ حاضرین کو یقین دلایا گیا کہ محکمہ پولیس سے متعلق تمام شکایات کا ازالہ قانون کے مطابق کیا جائے گا اور بقیہ شکایات کا ازالہ مرحلہ وار طریقے سے کیا جائے گا۔ محکمہ پولیس کا ڈومین ایک طے شدہ طریقہ کار کے تحت متعلقہ محکموں کے ساتھ ان مسائل کو حل کرنے کے لئے اٹھائے گا۔ تقریب کے دوران منشیات کے استعمال، سماج میں پھیلے جرائم وغیرہ کے خاتمے میں عوام سے تعاون طلب کیا گیا اور کہا گیا کہ یہ واقعات پولیس اور عام عوام کے درمیان خلا کو پر کرنے اور پولیس فورس کو ذمہ دار، شفاف، جوابدہ اور عوامی مطالبات کے تئیں حساس بنانے میں اہم کردار ادا کرتے ہیں۔ اسی طرح "تھانہ دیوس" کی ایک اور تقریب تھانہ کھاگ میں منائی گئی۔ جس کی صدارت اے ایس آئی نصیر احمد اور تھانہ کھاگ کے دیگر افسران نے کی۔ تقریب میں کھاگ کے معزز شہریوں اور کھاگ کے دیگر ملحقہ گاؤں کے معززین نے شرکت کی۔
تقریب کے دوران شرکاء کی جانب سے کچھ مسائل اٹھائے گئے۔چیئرنگ آفیسر نے انہیں یقین دلایا کہ ان کے حقیقی مسائل کو اعلیٰ حکام کے ساتھ جلد از جلد حل کرنے کے لئے اٹھایا جائے گا۔ خانصاحب میں "تھانہ دیوس" مریج ہال آریگام میں منایا گیا جس کا اہتمام تھانہ خانصاحب نے کیا۔ تقریب کی صدارت ایس ایچ او تھانہ خانصاحب انسپکٹر سمیر لون نے کی۔ اس اجلاس میں آریگام اور ملحقہ علاقوں کے معززین نے شرکت کی۔ سول محکموں جیسے پی ڈی ڈی، پی ایچ ای اور ریونیو نے بھی شرکت کی۔ پولیس اسٹیشن چاڈورہ میں "تھانہ دیوس" منایا گیا جس کی صدارت ایس آئی فاروق احمد اور ایس آئی مدثر شفیع نے کی۔ اجلاس میں چاڈورہ اور ملحقہ علاقوں کے معززین نے شرکت کی اور ان کے علاوہ ٹریڈ فیڈریشن چاڈورہ کے اراکین نے بھی شرکت کی۔ پولیس چوکی ہمہامہ میں بھی "تھانہ دیوس" منایا گیا اور اس ایونٹ کی صدارت انچارج چوکی آفیسر انسپکٹر امتیاز احمد نے کی۔ اجلاس میں ہمہامہ علاقے کے معززین اور تاجر یونین ہمامہ نے شرکت کی۔ میٹنگ کے دوران شرکاء نے عوامی اہمیت کے مختلف مسائل و شکایات کو اجاگر کیا۔
یہ بھی پڑھیں: Thana Diwas Organise in Doda ڈوڈہ میں تھانہ دیوس کا اہتمام
وہیں ضلع کے پولیس چوکی سوئیبگ میں "تھانہ دیوس" کی ایک تقریب منعقد کی گئی جس کی صدارت انچارج چوکی افسر سوئیبگ ایس آئی گوہر احمد نے کی جس میں سوئیبگ اور دیگر ملحقہ علاقوں کے معززین نے شرکت کی۔ شرکاء نے اس قسم کے اجلاسوں کے انعقاد پر پولیس کے کردار کو سراہا اور معاشرے میں پھیلی برائیوں کی بدعت کو روکنے میں اپنے مکمل تعاون کا یقین دلایا۔ شرکاء نے ضلع بھر میں پولیس اسٹیشن کی سطح پر "تھانہ دیوس" کے انعقاد کے لیے بڈگام پولیس کا شکریہ ادا کیا۔
