Police Distributes School Kits پولیس کی جانب سے پسماندہ خواتین کے بچوں میں اسکول کٹس اور کپڑے تقسیم

سوک ایکشن پروگرام کے تحت بڈگام پولیس نے معاشی طورپر کمزور خواتین کے بچوں میں اسکول کٹس اور کپڑے تقسیم کیں۔ اس حوالے سے پولیس نے ڈی پی ایل بڈگام میں ایک تقریب کا انعقاد کیا گیا۔

بڈگام: وسطی کشمیر کے ضلع بڈگام میں، پولیس نے کمیونٹی کی خدمت کے لیے ایک شاندار تقریب میں معاشی طور پر قلیل آمدنی والے خاندانوں کی اسکول جانے والی لڑکیوں میں تعلیمی کٹس اور کپڑے تقسیم کیے۔ یہ تقریب ڈی پی ایل بڈگام میں منعقد ہوئی۔اس پروگرام کا مقصد تعلیم کو فروغ دینا اور مالی مشکلات کا سامنا کرنے والی لڑکیوں کی مدد کرنا تھا تاکہ وہ معیاری تعلیم حاصل کر سکیں۔ جموں و کشمیر پولیس کے اس پروگرام کو سوک ایکشن پروگرام کے تحت منعقد کیا گیا۔

پولیس نے پسماندہ خواتین کے بچوں میں اسکول کٹس اور کپڑے تقسیم کیں

ایس ایس پی بڈگام الطاہر گیلانی نے دیگر افسران کے ساتھ 60 سے زائد مستحق لڑکیوں میں تعلیمی کٹس اور کپڑے تقسیم کیے۔ ان تعلیمی کٹس میں نوٹ بکس، اسکول بیگ، قلم، پنسل، جیومیٹری بکس، اسکول کے جوتے، کھیلوں کے جوتے، 2 کپڑے، ایک ٹفن باکس، اسٹول شال اور دیگر ضروری اسٹیشنری اشیاء شامل تھیں۔ اس موقع پر خطاب کرتے ہوئے ایس ایس پی بڈگام نے بتایا کہ تعلیم لڑکیوں کو بااختیار بنانے اور انہیں عزت، خود اعتمادی اور اعتماد کے ساتھ جینے کے لیے ضروری ہے اور سمت میں پولیس کا یہ پہلا قدم ہے۔

ایس ایس پی بڈگام نے کہا کہ اس طرح کی تقریب کا مقصد تعلیم کو فروغ دینا اور مستقبل میں بھی ایسے پروگرامز کا انعقاد کیا جائے گا تاکہ پسماندہ لوگ تعلیم کے نور سے روشن ہو۔وہیں مستحقین کے والدین نے محکمہ پولیس کی کاوشوں کو سہرایا۔انہوں نے کہا کہ اس طرح کے پروگرامز سے والدین کی حوصلہ افزائی ہوگی اور وہ اپنی بیٹیوں کو اسکول بھیجیں گے جس سے لڑکیاں تعلیم حاصل کرے گی۔