منشیات کے خلاف بڈگام پولیس نے کاروائی کرتے ہوئے آج منشیات فروشی کے الزام میں مزید تین افراد کو گرفتار کیا ہے۔
پولیس نے آج چاند پورہ بڈگام میں ناکہ لگایا تھا۔ اس دوران ایک ہیونڈائے وینیو کار کو روگا گیا۔ تلاشی کے دوران پولیس نے گاڑی سے پانچ گرام ہیروئن اور ایک سو بیس منشیاتی کیپشیول برآمد کیے ہیں۔
گرفتار شدہ منشیات فروشوں کی شناخت شولی پورہ بڈگام کے محمد اشرف یتو، اگریکلان ماگام کے سمیر احمد بٹ اور ارچھند راہما ماگام کے آصف نذیر کے طور پر ہوئی ہے۔ پولیس نے معاملے میں ایف آئی درج کر لی ہے اور مزید تفتیش جاری ہے۔
یہ بھی پڑھیں: جموں و کشمیر: صحت اسکیم کے تحت دس ہزار افراد مستفید
گزشتہ چند ہفتوں میں بڈگام پولیس نے قریب بیس منشیات فروشوں کو گرفتار کیا ہے۔ منشیات کے خلاف پولیس کی اس کاروائی کی مقامی لوگوں نے کافی ستائش کی ہے۔
پولیس نے کہا کہ منشیات کے خلاف ان کی جنگ تب تک جاری رہے گی جب تک ضلع منشیات سے پاک نہ ہوگا۔
