بڈگام: وسطی کشمیر کے ضلع بڈگام کی ضلعی انتظامیہ نے کانفرنس ہال بڈگام میں "پانی سمیتی سمیلن" کا انعقاد کیا، دیہی علاقوں میں پانی اور آبی ذخائر کے تحفظ کی نگرانی اور رہنمائی کے لیے جل جیون مشن (جے جے ایم) کے رہنما خطوط کے مطابق پانی سمیتیوں کا سمیلن منعقد کیا گیا۔ ورکشاپ کی صدارت ضلع ترقیاتی کمشنر بڈگام ایس ایف حامد نے کی، پروگرام کے دوران ڈی ڈی سی بڈگام نے کہا کہ ان کمیٹیوں کو مختلف اسکیموں کے حوالے سے اپ ڈیٹ کیا جائے گا، اور ملک بھر میں بہترین آب رسائی طریقوں کے بارے میں آگاہ کیا جائے گا۔ انہوں نے اس بات پر زور دیا کہ پانی سمیتی کو عمل کرنے والے ایک اہم ادارے کے طور پر کام کرنا چاہیے۔
ڈی سی نے مزید کہا کہ خواتین کو کمیٹیوں کے مقاصد کے حصول میں اہم کردار ادا کرنا چاہیے، جل شکتی پی ایچ ای ڈویژن بڈگام کے دائرہ اختیار میں آنے والے ضلع بڈگام کے 11 بلاکس میں، 101 سکیمیں زیر عمل ہیں جن میں 06 نمبر بور ویل، 09 نمبر OHT 22 نمبر شامل ہیں۔ریپڈ سینڈ فلٹریشن پلانٹس اور 117 نمبر پائپ نیٹ ورک اور اس سے منسلک کام وغیرہ ہیں۔ مزید بتایا گیا کہ ضلع میں لیبز قائم کیے گئے ہیں اور اب تک 3622 ٹیسٹ کیے جا چکے ہیں، بیرواہ، خان صاحب، بڈگام کے 11 بلاکس میں 175 FTKS صارفین اور 610 خواتین ٹرینرز بھی ہیں۔
پی آر آئی اور پانی سمیتیوں کو دیہی برادری اور گاؤں کی سطح کے فرنٹ لیول کے کارکنوں کو گاؤں کے ایکشن پلان کی تیاری میں کارکنوں کی حوصلہ افزائی کرنے کیلئے گرام پنچایتوں کی ذیلی کمیٹیوں کی تشکیل میں سہولت فراہم کرنے، گھریلو نل کے کنکشن کی ضرورت کا جائزہ لینے کے لیے ان کے کردار کے بارے میں حساس کیا گیا۔ ڈی سی نے مزید کہا کہ گاؤں کی کمیٹیوں کو FHTC کی حوصلہ افزائی کریں، سماجی و اقتصادی حالات میں بہتری کے حوالے سے JJM کے تحت چلائی جانے والی واٹر سپلائی اسکیموں سے مستفید ہونے والی آبادی کا گھریلو سروے کریں۔ پانی کے مختلف طریقے جیسے بارش کے پانی کی ذخیرہ اندوزی، مصنوعی ریچارج کے بارے میں بیداری پیدا کریں۔ پانی کا معیار، پانی سے پیدا ہونے والی بیماریاں، پانی کی بچت، پینے کے پانی کے ذرائع میں اضافہ/پائیداری کے پہلوؤں وغیرہ، میٹنگوں میں باقاعدگی سے شرکت کرنے اور مختلف سرکاری اداروں کے ساتھ مؤثر طریقے سے رابطہ قائم کرنے کے لیے اپیل کی گئی۔
مزید پڑھیں:Water Shortage in Ganastan B village بانڈی پورہ کے گنستان بی گاؤں میں پانی کی قلت
ڈی سی بڈگام کے علاوہ سپرنٹنڈنٹ انجینئر ہائیڈرولک سرکل بڈگام (ممبر سکریٹری جے جے ایم بڈگام) ای آر عرفان الاسلام، ایگزیکٹو انجینئر جل شکتی پی ایچ ای ڈویژن بڈگام ،انجینئر شکیل الرحمان، ایگزیکٹیو انجینئر جل شکتی پی ایچ ای ڈویژن چاڈورہ۔ نازیہ نذیر، کوآرڈینیٹر پروجیکٹ مینجمنٹ یونٹ بڈگام ۔ انجینئر مدثر اونٹو، پی آر آئی کے (چیئرمین پانی سمیتی)، پانی سمیتی کے اراکین، فیلڈ ٹیسٹ کٹ استعمال کرنے والے (FTKs) ورکشاپ کا حصہ تھے۔
