بڈگام: دوشیزہ نے خودکشی کی کوشش کی

وسطی کشمیر کے ضلع بڈگام کے بیروہ علاقے میں ایک 17 سالہ لڑکی نے زہریلی چیز کھا کر خودکشی کی کوشش کی۔

ضلع بڈگام کے ناروارہ، بیروہ سے تعلق رکھنے والی 17 سالہ لڑکی نے زہریلی چیز کھا کر خودکشی کی کوشش کی۔

گھر والوں نے لڑکی کو بے ہوش دیکھ کر فوری طور پر سب ضلع اسپتال بیروہ پہنچایا، جہاں ڈاکٹروں نے لڑکی کی نازک حالت کو دیکھتے ہوئے اسے سرینگر کے ایس ایم ایچ ایس اسپتال منتقل کیا۔ آخری اطلاع ملنے تک لڑکی کی حالت تشویش ناک بنی ہوئی تھی۔

پولیس نے کیس کی تحقیقات شروع کر دی ہے۔ تاہم فوری طور پر خودکشی کرنے کی کوشش کرنے کی وجوہات معلوم نہ ہو سکی۔ وہیں اس بارے میں ابھی تک ایف آئی آر درج نہیں کی گئی ہے۔