سلنڈر پھٹنے سے خاتون اور بچے کی موت

برہمن ٹولہ میں سلنڈر پھٹنے کے بعد ایک خاتون اور ایک بچے کی موت ہوگئی ہے۔ جبکہ ایک بچہ شدید طور پر جھلس گیا ہے۔

تھانہ جیان نگر کے علاقہ برہمن ٹولہ وارڈ این -12 میں کھانا پکاتے ہوئے گیس سلنڈر پھٹ گیا۔ اس حادثہ میں خاتون سمیت ایک بچہ موقع پر ہی دم توڑ گیا جبکہ دوسرا بچہ شدید طور پر جھلس گیا ہے۔

اس واقعے میں زخمی بچے کو جیان نگر سے ڈی ایم سی ایچ دربھنگہ ریفر کیا گیا ہے۔ واقعے کی اطلاع ملتے ہی انتظامیہ کی ٹیم موقع پر پہنچ گئی ہے۔

واقعے کے بعد آس پاس کے علاقے میں افراتفری کا ماحول پیدا ہوگیا ہے۔