جب سے اس کی تعمیر ہوئی ہے، اس پر توجہ نہیں دی گئی، اس لیے اس کی حالت خراب ہوتی چلی گئی ہے۔
سنہ 1964 میں ، بھارت کے پہلے وزیر اعظم پنڈت جواہر لال نہرو اور نیپال کے بادشاہ مہیندر ویر وکرم شاہ نے والمیکی نگر گنڈک بیراج کی سنگ بنیاد مشترکہ طور پر رکھی تھی۔
دونوں ممالک نے مل کر 18-18 ستون دے کر یہ بیراج تعمیر کی تھی۔
تاہم 1964 سے 2020 تک اس میں جمع ہونے والی گندگی کی صفائی ابھی تک نہیں ہوسکی ہے، اس لیے اس کی حالت مزید خراب ہو رہی ہے۔
اس سے قبل ، اس گنڈک بیراج میں 8.50 لاکھ کیوسک پانی رکھنے کی گنجائش موجود تھی۔ تاہم اب گندگی کی وجہ سے اس وقت اس کی گنجائش کم ہوکر 5.50 لاکھ کیوسک ہوگئی ہے۔
یہی وجہ ہے کہ ہر سال بہار میں سیلاب تباہی کا باعث ہوتا ہے۔
جب برسات کے دن گنڈک بیراج کے دروازے کھولے جاتے ہیں تو مغربی چمپارن سمیت اترپردیش کے متعدد علاقوں میں تباہی مچ جاتی ہے۔
بہار میں گوپال گنج ، مظفر پور ، حاجی پور ، سون پور ڈوب جاتے ہیں۔ گذشتہ کئی برسوں سے ، گنڈک بیراج سے جاری پانی کی وجہ سے ، بہار میں افراتفری پھیل رہی ہے۔
