ضلع گیا کے کلکٹریٹ میں 12 نومبر 2022 کو فروغ اردو سیمینار و مشاعرہ کی پیشکش ہوگی، یہ پروگرام اردو ڈائرکٹوریٹ حکومت بہار کی متحدہ نگرانی میں انجام پائے گا۔ حکومت بہار میں اردو ڈائریکٹوریٹ محکمہ کے ذریعے دی گئی ہدایت کی روشنی میں " فروغِ اردو سیمینار و مشاعرہ" کا انعقاد 12 نومبر کو ہو گا، جس کی تیاری ضلع اردو زبان سیل کی جانب سے کی جارہی ہے۔ Urdu Promotion Program will held on 12 Nov in Gaya
ڈسٹرکٹ مجسٹریٹ اس پروگرام میں خود شریک ہوں گے اور پروگرام کا افتتاح بھی کریں گے۔ پروگرام میں اردو ادب سے جڑی شخصیات کو مدعوکیا گیا ہے۔ مقامی شاعروں کو بھی پروگرام میں اپنے کلام سے سامعین کو محظوظ کرنے کی غرض سے دعوت دی گئی ہے۔
واضح رہے کہ گیا ضلع انتظامیہ کی جانب سے اردو ڈائرکٹوریٹ حکومت بہار کی نگرانی میں ہربرس پروگرام ہوتا ہے۔ فروغ اردو سیمینار میں اردو کے فروغ اور آگے کے لائحہ عمل پر تبادلہ خیال ہوتا ہے۔
مزید پڑھیں:
