پٹنہ: بہار بلدیاتی انتخابات کے دوسرے مرحلے میں آج بہار کے 23 اضلاع کے 68 بلدیاتی انتخابات کے لیے ووٹنگ ہو رہا ہے، ووٹنگ صبح سات بجے سے شروع ہوا جو شام کے پانچ بجے تک چلے گا، اس بار پورے بہار میں 2230 عمارتوں میں 7088 پولنگ مراکز بنائے گئے ہیں۔ دوسرے مرحلے میں 17 میونسپل کارپوریشن، دو نگر پریشد اور 49 نگر پنچایت کے رائے دہندگان حق رائے دہی کا استعمال کر رہے ہیں۔ تمام مراکز پر پولیس انتظامیہ کی سخت نگرانی ہے، ضلع کلکٹر سمیت اعلیٰ افسران تمام پولنگ مراکز پر جا کر حالات کا جائزہ لیا ہے، حالانکہ ابھی تک بہار کے کسی بھی اضلاع سے تشدد واقعات کی اطلاع موصول نہیں ہوئی ہے۔ Urban Local Body Election
ادھر پٹنہ میں بھی خوشگوار ماحول میں رائے دہندگان اپنے حق رائے کا استعمال کر رہے ہیں، حالانکہ صبح سے ہی یہاں تیز ہوائیں چل رہی ہیں، ووٹر کے گھر سے نہیں نکلنے کی وجہ سے دن کے بارہ بجے تک ووٹ فیصد کی رفتار کافی سست تھی، بارہ بجے تک محض بارہ فیصد ہی ووٹنگ ہوئی، مگر بارہ بجے کے بعد جیسے ہی دھوپ نکلی لوگ اپنے اپنے گھروں سے باہر نکل کر پولنگ مراکز پہنچے۔ اس بار مرد کے ساتھ نوجوان و خواتین بھی بڑی تعداد میں اپنے حق رائے کا استعمال کرنے باہر نکلی ہیں، شہر کے بی این کالج، میرر ہائی اسکول، شاہ گنج، سلطان گنج، عالم گنج، ہتھوا مارکیٹ، پیر بہور پوسٹ آفس وغیرہ مقامات پر ووٹنگ لائن میں زیادہ کھڑے ہوئے لوگ دکھائی دئے۔ پولنگ مراکز سے دو سو میٹر کے دائرے میں دفعہ 144 نافذ ہے۔
مزید پڑھیں:
