اطلاع کے مطابق پولیس، ایس ٹی ایف اور سی آر پی ایف کی مشترکہ کارروائی میں 2 خونخوار بدمعاش بدھ کو گرفتار ہوئے ہیں جن کے پاس سے اسلحہ سمیت سی آرپی ایف کے کوبرابٹالین کی وردی،جیکٹ سمیت موبائل فون اور دیگر سامان برآمد ہوئے ہیں ۔
اس گروہ میں کئی بدمعاش شامل ہیں جو ریاست بہار اور جھارکھنڈ کے مختلف اضلاع میں چوری ڈکیتی اور قتل جیسے واردات کو انجام دیتے ہیں ۔
ایس ایس پی راجیو مشرا نے بتایا کہ انہیں خفیہ اطلاع ملی تھی کہ رنگداری اور لوٹ پاٹ میں شامل بدمعاشوں کا ایک گروہ امام گنج علاقے میں جمع ہورہاہے ۔
جس کے بعد ان کی ہدایت پر پولیس کی خصوصی ٹیم ڈی ایس پی امام گنج کی قیادت میں تشکیل کی گئی ۔
جس میں ایس ٹی ایف ، سی آر پی ایف ، امام گنج پولیس ، کوٹھی تھانہ پولیس کی مشترکہ چھاپہ ماری میں اودھیش یادو ، راجیش یادو کو گرفتار کیا گیا ہے ۔
گرفتاری کے دوران دو دیسی تھرنٹ ، بارہ ایم ایم کی زندہ کارتوس، تین موبائل فون، سات عدد کوبرابٹالین جیسی وردی اور باڑی جیکٹ، ایک جنگلی جوتا اور قریب پچاس لیٹر مہواشراب برآمد ہوے ہیں ۔
انہوں نے بتایا کہ گرفتار ملزم راجیش یادو کے خلاف کوٹھی تھانہ میں بھی مقدمات درج ہے۔
اس گینگ کا سرغنہ امرجیت یادو ہے جو حال میں نوڈیہا جھارکھنڈ سے گرفتار کرکے جیل بھیجا گیا ہے اس گروہ کا کام ہی رنگداری مانگنا ، ڈاکہ زنی اور کئی مجرمانہ واقعات کوانجام دینا ہے
