کھگڑیا میں نوجوان کی لاش برآمد

کھگڑیا کے بیلدور تھانہ علاقے میں آج صبح ایک نامعلوم نوجوان کی لاش برآمد ہونے کے بعد علاقے میں سنسنی پھیل گئی۔

ریاست بہار کے ضلع کھگڑیا کے بیلدور تھانہ علاقے سے پولیس نے پیر کے روز ایک نوجوان کی لاش برآمد کی ہے۔ پولیس ذرائع نے بتایا کہ 'مقامی لوگوں سے موصولہ اطلاع کی بنیاد پر تیلیہار گاؤں میں بائسی تالاب کے نزدیک ایک نوجوان کی لاش برآمد کی گئی ہے۔

نوجوان کا گولی مار کر قتل کیا گیا ہے۔ متوفی کی عمر تقریباً 28 برس ہے اور اس کی فوری شناخت نہیں ہوسکی ہے۔ ذرائع نے بتایا کہ 'لاش پوسٹمارٹم کے لیے بھیج دی گئی ہے اور پولیس معاملے کی چھان بین کر رہی ہے۔