تیجسوی یادو ان دنوں سیمانچل دورہ پر ہیں اور کل کشن گنج دورے کے بعد ارریہ پہنچے ، یہاں سے پھر کٹیہار چلے گئے۔
ارریہ پہنچنے پر آر جے ڈی کے کارکنان نے ان کا پرزور استقبال کیا اور زندہ باد کے نعرے لگائے۔
وہیں ارریہ پہنچنے پر تیجسوی یادو نے شہر کے ٹاون ہال کے قریب دس روز سے چل رہے سی اے اے و این آر سی کے خلاف دھرنے میں بھی شامل ہوئے اور لوگوں سے خطاب کیا۔
مزید پڑھیں:پٹنہ: سبزی باغ میں خواتین کا احتجاج، سیاسی رہنماؤں کی شرکت
اس موقع پر سابق رکن پارلیمان سرفراز عالم، سمستی پور رکن اسمبلی اخترالایمان شاہین، یوتھ ریاستی صدر قاری صہیب سمیت جوکی ہاٹ کے رکن اسمبلی شاہنواز عالم موجود رہے۔
وہیں احتجاج کر رہے لوگوں کا تیجسوی یادو نے شکریہ ادا کرتے ہوئے کہا کہ آپ لوگوں کی بیداری سے اندازہ ہوتا ہے یہ حکومت جتنا بھی ظلم کر لے مگر ہماری ہمت و طاقت کو نہیں توڑ سکتی، یہ لمبی لڑائی ہے۔
انہوں نے عوام سے کہا کہ آپ لوگوں کی ہمت اور جذبے کو توڑنے کی کوشش کی جائے گی، مگر آپ کو کسی بھی جال میں پھنسنے کی ضرورت نہیں ہے۔
اس سلسلے میں نتیش کمار کا حوالہ دیتے ہوئے تیجسوی یادو نے کہا کہ اب بہار کی عوام کا خاص کر اقلیتوں کا یقین نتیش حکومت سے ختم ہو گیا ہے۔
انہوں نے بی جے پی سے مل کر اقلیتوں کو ٹھگنے کا کام کیا ہے۔
وہیں اس دھرنے میں تیجسوی یادو کو دیکھنے اور سننے کے لئے کثیر تعداد میں لوگ جمع ہوئے۔
