Sushil kumar Modi on Nitish تیجسوی کی جلد تاجپوشی کے دعوے پر سشیل مودی نے کہا کہ نتیش پھر دھوکہ دیں گے

آرجے ڈی کے رکن اسمبلی بھائی ویریندر نے جمعہ کو کہا کہ 2025 سے پہلے وزیراعلیٰ نتیش کمار خود تیجسوی یادو کو بہار کی کمان سونپ دیں گے اور وہ مرکز کی سیاست میں چلے جائیں گے۔ جے ڈی یو اور آر جے ڈی میں اس پر اتفاق پہلے ہو چکاہے۔ اس پر بی جے پی کے لیڈرسشیل کمار مودی نے کہا کہ نتیش کمار کسی بھی سمجھوتہ پر عمل نہیں کر یں گے اور ایک مرتبہ پھر دھوکہ دیں گے۔ Sushil kumar Modi On Nitish Kumar

پٹنہ: بہار میں نائب وزیراعلیٰ تیجسوی پرساد یادو کو جلد ریاست کی کمان سونپ کر نتیش کمار کے قومی سیاست میں آنے اور اس کے لئے جنتادل یونائٹیڈ ( جے ڈی یو ) کے ساتھ اتفاق ہوجانے کے راشٹریہ جنتادل ( آرجے ڈی ) کے لیڈران کے دعوے پر بھارتیہ جنتا پارٹی ( بی جے پی ) کے لیڈرسشیل کمار مودی نے کہاکہ کمار کسی بھی سمجھوتہ پر عمل نہیں کر یں گے اور ایک مرتبہ پھر دھوکہ دیں گے۔ Sushil kumar Modi On Nitish Kumar

آرجے ڈی رکن اسمبلی بھائی ویریندر نے جمعہ کو کہاکہ 2025 سے پہلے وزیراعلیٰ نتیش کمار خود تیجسوی یادو کو بہار کی کمان سونپ دیںگے اور وہ مرکز کی سیاست میں چلے جائیںگے ۔ جے ڈی یو اور آر جے ڈی میں اس پر اتفاق پہلے ہو چکاہے۔ انہوں نے کہاکہ 'اس ملک میں نوجوانوں کی تعداد سب سے زیادہ ہے اور بہار میں سب سے زیادہ نوجوان ہیں۔ تیجسوی نوجوانون کے ساتھ ۔ ساتھ سب کے پسندیدہ لیڈر ہیں ، اس لئے تیجسوی ہی بہار کے مستقبل ہیں۔ یہ آج نہیں تو کل ہونا ہی ہے لیکن ہم لوگ صحیح وقت کا انتظار کر رہے ہیں۔ وقت آنے پر بہار کے وزیراعلیٰ نتیش کمار خود تیجسوی یادو کو بہار کی کمان سونپ کر مرکز کی سیاست میں چلے جائیں گے۔

اس سے قبل جمعرات کو آرجے ڈی کے ریاستی صدر جگدانند سنگھ نے بھی کہاکہ 'ہمیں لگتاہے کہ 2022 گذرنے کے بعد 2023 میں نتیش ملک کی لڑائی لڑیںگے اور بہار کے مستقبل کی لڑائی تیجسویں یادو کے ہاتھوں میں سونپ دیںگے ۔ ملک نتیش کمار کا اور بہار تیجسوی یادو کا انتظار کر رہاہے۔'

یو این آئی