معلومات کے مطابق 'مرلی گنج بلاک کے جونیئر انجینئر ابھیشیک آنند عرف راجہ کو صبح 9 بجے اپنی رہائش گاہ وارڈ نمبر 12 میں رشوت لیتے ویجی لینس ٹیم پٹنہ نے مرلی گنج پہنچ کر گرفتار کرلیا۔'
موقع پر جانکاری دیتے ہوئے سروش کمار سنگھ، ڈپٹی سپریٹنڈنٹ پولیس، ہیڈ آف مانیٹرنگ انویسٹی گیشن بیورو ٹیم، نے بتایا کہ 'نادھی پنچایت کے وارڈ ممبر تریھوون یادو نے وزیر اعلی گلی نالی یوجنا، اسکیم نمبر 1، 2، 3 کا کام کیا تھا اور اس کام کا 60فیصد روپیہ ادا کیا گیا تھا۔
اور جب وہ باقی بچے40 فیصد کام پورا ہونے پر مانگنے گئے تو ان سے بقیہ رقم کی ادائیگی کے بدلے 10فیصد رشوت طلب کی گئی۔ مطلب دو ہزار پہلے کا باقی اور 28000 روپے، کل ملاکار 30 ہزار روپے کا ڈمانڈ کیا گیا۔'
جیسے ہی وارڈ ممبر کے ذریعہ 'جے ای' کو 30 ہزار روپیہ دیا گیا کہ اسی دوران مانیٹرنگ ڈیپارٹمنٹ کی ٹیم نے جے ای کو گرفتار کر لیا۔
گرفتاری کے لئے آنے والی ٹیم میں بنیادی طور پر متھلیش جیسوال، ودیانند پرساد، ایشور پرساد، سنجے کمار چترودی، سنگگرام سنگھ، شالیگرام سنگھ منی کانت کمار سمیت دیگر پولیس افسر شامل تھیں۔
