بکسر: بہار کے بکسر ضلع کے مفصل تھانہ علاقے سے لاکھوں روپے کی ہیروئن کے ساتھ ایک اسمگلر کو گرفتار کیا گیا ہے۔ پولیس ذرائع نے آج یہاں بتایا کہ خفیہ اطلاع کی بنیاد پر ہیروئن کے ساتھ ایک اسمگلر کو گرفتار کیا گیا ہے۔ اسمگلر سے تقریباً 750 گرام ہیروئن برآمد کی گئی ہے جس کی تخمینی قیمت 35 لاکھ روپے ہے۔ موقع سے دو گاڑیاں بھی ضبط کی گئی ہیں۔ تاہم چارا سمگلر فرار ہونے میں کامیاب ہو گئے جن کی گرفتاری کے لیے چھاپے ماری کی جارہی ہے۔Smuggler arrested with heroin In Buxar
بتایا جاتا ہے کہ منگل کی رات مفصل تھانہ پولیس کو اطلاع ملی کہ کچھ لوگ منشیات کا کاروبار کر رہے ہیں۔ ساتھ وہ کثیر مقدار میں نشیلی اشیاء لے کر اپنے گاؤں کی طرف جا رہے ہیں۔ اطلاع ملتے ہی مفصل تھانہ صدر امیت کمار نے منگل کی رات جاسو گاؤں کی سمت جال بچھا دیا۔ اسی دوران موٹر سائیکل پر سوار دو لوگ آئے۔ ساتھ ہی ان کے پیچھے ایک اسکارپیو بھی تھی۔ جیسے ہی پولیس نے رکنے کا اشارہ کیا، تمام لوگ گاڑی چھوڑ کر بھاگنے لگے، پولیس نے تعاقب کیا، جہاں سے ایک اسمگلر سنیل کمار کو گرفتار کر لیا گیا۔
