انہوں نے کہا کہ یہاں خواتین و بچیوں کے ساتھ مسلسل جنسی ہراسانی کے علاوہ دیگر جرائم کے واقعات روز سامنے آ رہے ہیں، معظم مختار نے کہا کہ حاجی پور کے دیسری میں گلناز کے ساتھ پیش آنے والی بربریت ہاتھرس کے واقعے کو دہرائے جانے کی کوشش ہے۔
ان کہنا تھا کہ ہماری پارٹی اس معاملہ میں ان کے اہل خانہ کے ساتھ کھڑی ہو کر قانونی جنگ لڑ رہی ہے اور احتجاجوں کے ذریعہ آواز بلند کر رہی ہے اور اس وقت تک کرتی رہے گی جب تک کہ گلناز کو مکمل انصاف نہیں مل جاتا۔
اس موقع پر پارٹی کے کارکنان نے گلناز کے اہل خانہ کو 50 لاکھ معاوضے کا مطالبہ کیا اور تمام مجرمین کو گرفتار کر کے سخت سزا کی مانگ کی، ساتھ ہی اہل خانہ کو مکمل تحفظ فراہم کرنے کا بھی مطالبہ کیا۔
واضح ہو کہ بہار کے حاجی پور میں گلناز نام کی ایک بیس برس کی لڑکی کو زندہ جلا دیا گیا تھا، اطلاعات کے مطابق گاؤں کے ہی شرپسندوں نے اس کے ساتھ چھیڑ چھاڑ کی اور لڑکی کی جانب سے مخالفت کرنے کے بعد اسے زندہ جلا دیا، حالانکہ اس معاملے میں پولیس نے ایک چندن نامی ملزم کو گرفتار کیا ہے۔
