سمستی پور۔ دربھنگہ ریل سیکشن آمدورفت پانچویں دن بھی بند

بہار میں ایسٹ سینٹرل ریل کے حیات گھاٹ اسٹیشن کے قریب باگمتی ندی ریل پل پر پانی کے دباﺅ کی وجہ سے سمستی پور ۔ دربھنگہ ریل سیکشن پر ٹرینوں کی آمدورفت آج پانچویں بھی بند رہی۔

سینئر ڈویژنل کمرشیل منیجر اور میڈیا انچارج بریندر کمار کا کہنا ہیں کہ 'باگمتی ندی کے سطح آب میں کمی ہوئی ہے لیکن پل نمبر 16 پر ابھی بھی پانی کا دباﺅ بنا ہوا ہے'۔

انہوں نے بتایا کہ آج پانچویں دن بھی اس ریل سیکشن پر ٹرینوں کی آمدورفت کو بند کرنے کا فیصلہ کیا گیا ہے۔

وہیں اس ریل سیکشن سے ہو کر چلنے والی 25 میل ، ایکسپریس اور سواری گاڑیوں کی آمدورفت آج بھی رد کر دی گئی ہے جبکہ تیرہ ٹرینیں روٹ تبدیل کر کے چلائی جارہی ہیں۔