ریاست بہار کے کیمور ضلع میں لاک ڈاؤن کے ساتھ۔ساتھ شراب پر پابندی ہے۔ ایسے میں ایک جوان کے ذریعے ضلع کے پہاڑی تھانہ ادھورا کے بازار میں شراب کے نشہ میں جم کر ہنگامہ کرنے کا معاملہ سامنے آیا ہے، حالانکہ یہ معاملہ جمعہ کے دن کا بتایا جاتا ہے۔
اس معاملے کو سنجیدگی سے لیتے ہوئے پولس کپتان دلنواز احمد نے نوجوان کو قصوروار ٹھہراتے ہوئے معطل کرنے کا حکم صادر کیا ہے۔
جانکاری کے مطابق نشہ میں ہنگامہ کرنے والاسیپ کا جوان دیا نند کھروار ادھورا تھانہ کے لوہرا پولیس پیکیٹ پر تعینات کیا گیا تھا، جو کسی کام سے ادھورا بازار گیا تھا۔
وہاں شراب پینے کے بعد جم کرنشہ میں ہنگامہ کر رہا تھا۔ تبھی اسکی اطلاع ایس پی کو ملی۔ انہوں نے فوراً تھانہ افسر امود کمار کو سیپ جوان کو گرفتار کرنے کو کہا۔
سیپ جوان کا بریتھ ایلزائمر مشین سے جانچ کرائی گئی، جس میں شراب پینے کی تصدیق کی گئی۔ اس کے بعد ایس پی دلنواز احمد نے معطل کرنے کا حکم صادر کیا۔
