بہار اسمبلی میں حزب اختلاف کے رہنما تیجسوی یادو اور تیج پرتاپ یادو کے روس میں بنی اسپوت نِک ٹیکہ لینے کے معاملے میں بیان بازی رُکنے کا نام نہیں لے رہی ہے۔ موتیہاری پہنچی آر جے ڈی ترجمان ریتو جیسوال نے بھارتی ویکسین کو ہی بیرون ممالک فارمولے سے بچانے کی بات کہی ہے۔
ریتو جیسوال نے کہا کہ مفت ویکسین پر پہلا حق غریبوں کا ہے اور جو لوگ پیسے سے خریدنے کی طاقت رکھتے ہیں تو انہیں چاہیے کہ وہ خرید کر ویکسین لگوائیں۔ بر سر اقتدار لوگ دوسروں کے کپڑوں پر دھیان دے رہے ہیں تو انہیں ریاست میں ہورئے جرائم پر دھیان دینا چاہیے۔
ریاست میں حال میں ہوئے ٹرانسفر پوسٹنگ پر سوال اٹھاتے ہوئے ریتو جیسوال نے کہا کہ آر سی پی ٹیکس پوسٹنگ ہے، جسے لے کر اقتدار میں بیٹھے رہنما لوگوں پر بھی سوال اٹھانا چاہیے۔
مزید پڑھیں: پٹنہ: خدابخش لائبریری کے ایک حصہ کو منہدم کرنے کا فیصلہ واپس
دراصل ریتو جیسوال آر جے ڈی کی اُس چھ رکنی ٹیم کی ممبر ہے جو مشرق چمپارن ضلع کے مٹھیریا چوک پر ہوئے پون گپتا قتل کی جانچ کرنے موتیہاری پہنچی تھیں۔ اس دوران موتیہاری سرکٹ ہاؤس میں ریتو جیسوال نے تیجسوی اور تیج پرتاپ یادو کو لے کر اٹھ رہے سوالوں کا جواب دیا۔
