ملک بھر میں شہریت ترمیمی ایکٹ اور این آر سی کے خلاف جاری مظاہروں پر تیجسوی یادو نے کہا کہ جمہوریت میں احتجاج کرنے کا ہر ایک کو حق ہے۔
راشٹریہ جنتا دل کی جانب سے یہ اعلان سی اے اے اور این آر سی کے خلاف دیا گیا ہے۔
تیجشوی یادو نے کہا ہے کہ یہ بند پرامن ہوگا۔ اس کے ساتھ ہی تیج پرتاپ یادو نے بھی لوگوں سے بہار بند کو کامیاب بنانے کی اپیل کی ہے۔
اس موقع پر آر جے ڈی کے ریاستی صدر جگدانند سنگھ نے پارٹی کے تمام اراکین اسمبلی کو اپنے اپنے علاقوں میں پرامن رہ کر مظاہرہ کرنےکی ہدایت جاری کی ہے۔
اس سے قبل ہی جگدانند سنگھ اور ایم ایل اے بھولا یادو نے ریاست کے دفتر میں بند کی تیاری کے لئے جائزہ اجلاس منعقد کیا تھا۔
ریاستی ترجمان چترنجن گگن اور میرتنجوئے تیواری نے کہا کہ آر جے ڈی بند یقینی طور پر کامیاب ہوگا۔ عام لوگ بھی اس بند کی حمایت کریں گے۔
بہار بند کا اثر مختلف حلقوں میں دکھنے کو مل رہا ہے، جگہ جگہ آر جے ڈی کے کارکنان سڑکوں پر اتر آئے ہیں اور ٹائیر جلالر مظاہرہ کر رہے ہیں۔
دارالحکومت پٹنہ کے گاندھی سیتو کو جام کر دیا گیا ہے، یہ اہم شاہراہ ہے، جو دارالحکومت کو مختلف شہروں اور علاقوں سے جوڑتی ہے۔
